Historio di Vanuatu

De Wikipedio
Irez ad: pilotado, serchez

Unesma habitanti probable arivis cirkum 2000 aK. L'insuli deskovresis ye 1606 dal Portugalana explorero Pedro Fernandes de Queirós, qua verkis por l'Hispaniana Rejio. Nur ye 1768 altra Europana explorero, Franciana Louis Antoine de Bougainville arivis en l'insuli. Kapitano James Cook nomizis ol Nov-Hebridi, nomo qua lastis til nedependeso[1].

Ye 1825 Peter Dillon deskovris santalo en l'insulo di Erromango. Ta fakto provokis kuro di enmigranti a l'insulo qua lastis til 1830 kande okuris konflikto inter Polineziana laboristi e Melaneziana indijeni.

Dum 19ma yarcento kristana misioneri, ed anke enmigranti por kultivar kotono arivis en le insuli. Kande internaciona preci di kotono falis, agrokultivisti chanjis por kafeo, kakao, banano, ed specale kokoso.

Dum duesma mondomilito, Espiritu Santu ed Éfaté insuli en Vanuatu (Nov-Hebridi) recevis Usana bazi por ataki kontre Japonia.

Vanuatu divenis nedependanta de Unionita Rejio e de Francia ye 30 di julio 1980, kun Walter Lini kom chefa ministro. Dum 1990a yari okuris politikala nestabileso, qua rezultis pose en politikala descentraligo. Ye 7 ed ye 8 di oktobro 2009 okuris du ter-tremi en lando: unesma kon forteso 7,6 e duesma kun forteso 7,8 en Richter-skalo.

Referi[redaktar | edit source]

  1. "Background Note: Vanuatu". U.S. Department of State


Historio di Oceania
Australia | Fidji | Est-Timor | Kiribati | Marshall Insuli | Federata Stati di Mikronezia | Nova-Zelando | Palau | Papua-Nova-Guinea | Samoa | Salomon Insuli | Tonga | Tuvalu | Vanuatu