Historio di cienco e teknologio en Chinia

De Wikipedio
Metodo por elaborar instrumenti di astronomiala observado en l'epoko di la Dinastio Qing.

Historio di la cienci e teknologio en Chinia esas longa e richa kun multa kontributaji por cienco e por teknologio. Dum l'Antiqueso, sen dependir de Greka filozofi e de altra civilizuri, Chiniana filozofi facis importanta avanci en faki di cienco, teknologio, matematiko ed astronomio. L'unesma enrejistruri pri observo di kometi, sunal eklipsi e supernovi venis de Chinia. Anke praktikesis tradicionala Chiniana medicino, akupunturo e herbala medicino.

Inter l'unesma Chiniana inventuri trovesas l'abako, e l'unesma flugiva objekti, quale kaiti e cielo-lanterni. La quar granda inventuri dil Antiqua Chinia - busolo, pulvero, papero ed imprimo - esas inter la maxim importanta teknologiala avanci quin Europa konocis dum la fino di Mezepoko. Partikulare, l'epoko dil Dinastio Tang (618-906) esis di granda novigado, kontre ke la maxim parto di kambio inter Ocidento ed Europa eventis dum la periodo dil Dinastio Qing. Jezuita misioni en Chinia dum la 16ma e 17ma yarcenti introduktis Ocidentala cienco ed astronomio - qua havis sua propra revoluciono - en Chinia. Simile, la savo di Chiniana teknologio exportacis ad Europa. Granda parto di ocidentala studio pri historio di cienco en Chinia facesis da Joseph Needham.