Hosni Mubarak
| Muhammad Hosni Sayyid Mubarak | |||
|---|---|---|---|
 |
|||
Prezidisto di  Egiptia |
|||
| Periodo di guvernerio: | de 14 di oktobro 1981 til 11 di februaro 2011 | ||
| Precedanto: | Anwar Sadat | ||
| Sucedanto: | Mohamed Hussein Tantawi | ||
| Nask-dio: | 4 di mayo 1928 | ||
| Nask-loko: | Kafr-El Meselha, Al Minufiyah, Egiptia | ||
| Spozo: | Suzanne Sabet | ||
| Profesiono: | militarala piloto di avioni, jenio-membro, injenioro e politikisto | ||
| Politikala partiso: | Nacionala Demokratiala Partiso di Egiptia | ||
Muhammad Hosni Sayyid Mubarak (n. ye 1928) esis prezidisto di Egiptia de 14 di oktobro 1981 til 11 di februaro 2011 pos l'asasino di Anwar Sadat. Il esis vice-prezidisto di Sadat de 1975 til 1981.
[redaktar] Biografio
Naskinta ye 4 di mayo 1928 en Kafr-El Meselha, Mubarak eniris Egiptiana militarala akademio, ube il recevis bachelereso en militarala injeniorarto ye 1949. Dum lia vivo ante divenar prezidisto il esis piloto di militarala avioni, jenio-membro ed injenioro. En militarala akademio il piloti avioni kom Ilyushin Il-28 e Tupolev Tu-16. Ye 1967 il divenis komandanto dil akademio. Il esas mariajita kun Suzanne Sabet e havas du filiuli.
Ye 1975 Anwar Sadat indikis Mubarak kom lia vice-prezidisto. En ta ofico il partoprenis en la negociadi di paco kun Israel[1]. Il anke reprezentis Sadat en diversa renkontri kun exterala chefi di stato[2].
Ye 28 di januaro 2011 pos intensa populala protesti en la stradi di Kairo, Alexandria e Suez qua livis cirkum 50 morti, il anoncis chanji en lia guverno. Pos 18 dii de demonstri ye la 11 di februaro 2011 Mubarak demisionis.
[redaktar] Referi
| Precedanto Anwar Sadat |
Prezidisto di Egiptia 1981 til 2011 |
Sucedanto Mohamed Hussein Tantawi |
