Hundochasado

De Wikipedio
Irez ad: pilotado, serchez

Hundochasado esas anciena hobio en Granda Britania. On praktikas hundochasado plu kam 300 yari. Ank en ex-koloniala landi, por exemplo, en India on praktikas ol.

En la chasado partoprenas granda kavalistaro e foxo-hundaro, c. 40–50 hundi. La chasestro organizas e direktas la chaso. Lu savas, ube la chaseri darfas irar ed ube esas maxim bona kursi en tereno. La kavalistaro akompanas la chasestro e direkte ne partoprenas la chaso. La chasisto (ofte per helpo da surveyanto sur hundi) duktas la hundaro. La hundo esas kinfoye plu granda kam foxo.

La chaso komencas, kande chasisto blovas signo per tubo. Lu komencas chasar kun hundi, quo esas sendita por flarar foxo. Kande hundi flaras foxo, lu fugigas sequanta da precipua chaso. Se foxo esas kaptita da hundi, ol mortos en kanini di hundi. Teoriale hundo klemas per denti foxo en nuko e mortigos la foxo agitante tre forte. Praktikale foxo divenas trituita. Se la foxo celas su en truo, la chasisto pafas ol. Un chasaro povas ocigar dum un dio quar foxi.

Averajale dum chaso-periodo esas 22,500 chaso-dii en Granda Britania. Plu kam 50,000 chaseri partoprenas, ed enrejistrita foxo-hundari esas 184. Chasado havas vasta komercala efekto en rurala arei.

La foxo-chaso per hundi esas interdiktita depos 18 di februaro ye 2005 pro indikas kruelega por foxo, ma chaseri opozas la nova lego. Rurani ed urbani havas kontrea opinioni pri hundochasado, e rebela chaseri pensas organizar nelegala chasi en futuro.