Industrio

Precipua industriala regioni dil mondo. Le maxim importanta esas en flava, importanta zoni esas en violea. En verda, altra industriala zoni.

Industrio (de Latina industrius, "diligenta, laborema") esas l'ensemblo di procedi qua konkursas ala richaji-produktado per la transformo di prima materii. Segun altra defino, industrio esas la manufakturo di vari o servadi aden un kategorio. En ekonomio la vorto esas uzata kom sinonimo di sekundara sektoro, ke esas le ekonomiala aktivesi kontenata en la manufakturo de prima materii til vari e produkti.

Vapormashino en Teknologiala Skolo di Madrid.

L'industrio esis la maxim importanta ekonomiala sektoro dil mondo de la duesma duimo di 19ma yarcento til la fino di Duesma mondomilito. Pos 1950a yari, kun la granda adopto di automatigo e la kresko di produktiveso, la sektoro di servadi supereskis l'industrio kom maxim importanta aktiveso.

Granda kresko di l'industriala aktiveso komencis en Anglia dum 18ma yarcento kun l'invento e developo di vaporomashino, unesme uzita por manufakturar texuri ed explorar karbono en mineyi. La granda kresko di produktiveso provokis rapida modifiko en la sociala ed ekonomiala strukturi di multa landi, ed originis le transformi konocata kom l'industriala revoluciono.

Videz

• Industriala revoluciono