Itaipu aquobarilo

De Wikipedio
Irez ad: pilotado, serchez
Aeral imajo de Itaipu aquobarilo.

Itaipu aquobarilo esas aquobarilo konstruktita de 1975 til 1982 da Brazilia e Paraguay por furnisar elektro a la du landi. Nune ol havas la maxim granda kapaceso por furnisar elektro dil mondo: 14 GW, kun 20 turbini.

La rezervuyo dil aquobarilo kovras 1,350 km² de Foz do Iguaçu en Brazilia e Ciudad del Este en Paraguay til Guaíra (Brazilia) e Salto del Guairá (Paraguay), 150 km norde de l'aquobarilo. Por konstruktar l'aquobarilo, l'aquofalo di Sete Quedas, en Paraná fluvio, desaparis komplete, submersita da la rezervuyo. Por konstruktar la rezervuyo e l'aquobarilo 40,000 laboristi verkis direkte. La quanto di betono uzita esus suficanta por konstruktar 210 stadii di futbalo equivalanta a Maracana en Rio de Janeiro. La quanto di stalo uzita esus suficanta por konstrukar 380 Eiffel turmi.

L'aquobarilo furnisas 90% di l'elektro konsumata en Paraguay, e 17% de l'elektro konsumata en Brazilia. Malgre ol recevas duimo de l'energio di Itaipu, Paraguay konsumas poka, e vendas l'eceso a Brazilia. La binacion entraprezo Itaipu Binacional esas responsebla por administrar la producajo e vendo di energio produktita en Itaipu a la du landi.