Jean-Baptiste Lully

De Wikipedio
Irez ad: pilotado, serchez
Jean-Baptiste Lully

Jean-Baptiste Lully (originale Giovanni Battista Lulli) (n. 28 di novembro 1632 – m. 22 di marto 1687) esis Franciana ed Italiana kompozisto. Maxim granda parto de sua vivo ilu laboris en la korto di Louis 14ma. Lully havis la nacionaleso di Francia depos 1661.

Ye 16 di marto 1653 la kompozisto Lully, evante 20 yari, esis nominata Compositeur de la musique de chambre du roi da la rejulo Louis 14ma. Tale komencis ilua distingita kariero. Naskinte en Firenze, il esis filiulo di muelisto. En 1646 il deskovresis da Roger de Lorraine, Kavaliero di Guise, qua remarkis ilua muzikala genio, e qua duktis il a la dukino di Montpensier (nevino di rejulo Louis 13ma) en Francia. Ilu rezidis che el kom servanto e gitaro-pleanto. Kelka yari pose il esis en la servado di Louis 14ma. Ilu dansis en baleti por la rejulo e kompozis baletomuziko; to ganis la atenco di la rejulo, e la oficala nomineso. En sequanta yari Lully kompozis multa baleti, en qua la rejulo ofte dansis kun il.