Jedi kontado-fenomeno

De Wikipedio
Irez ad: pilotado, serchez

La Jedi kontado-fenomeno esis movemento ye 2001 por civitani en kelka Angla-uzata landi skribar sua religio kom Jedi o Jedi Knight (Jedi Kavalero), segun la kavaleri qui aparas en la filmi di Star Wars da George Lucas. Lia motivo esis ne-konocata, ma la prezidanto di la Star Wars Appreciation Society en Australia dicis ke "esis kelka qui serioze kredas su esar Jedi, ma la maxim multa skribis tale por mokar la guvernerio".[1].

La kampanio facesis ne-oficale per e-posti qui dicis ke se sat multa skribus ke sua religio esas "Jedi", la guvernerio mustus agnoskar li kom vera religio. La e-posti dicis anke ke on devez skibar sua religio kom "Jedi" "pro ke tu amas Star Wars" o "nur por iracigar personi".

En Australia plu kam 70,000 personi skribis en la kontado ke li esas Jedi. La Kontoro di Statistiki en Australia raportis pri la fenomeno: [2] pos tre multa questioni pri la subjekto. La Kontoro dicis ke por ti qui skribis "Jedi" en la kontado, li chanjos ol a "ne-definata".

Plu kam 53,000 personi en Nova-Zelando e 20,000 en Kanada anke dicis ke li esas Jedi. Por la plu mikra Nova-Zelando, to divenas 1.3% de la tota populo.

En Anglia e Wals 390,000 personi (0.7%) skribis ke li esas Jedi, do plu multa kam Sikismo, Judaismo e Budismo; la quaresma granda reportata religio en la lando. Nombri por altra religii esis:

  • Kristano: 94.0%
  • Mohamedano: 3.1%
  • Hindo: 1.1%
  • Jedi: 0.7%


Videz anke[redaktar | edit source]

Extera ligili[redaktar | edit source]

(omno en la angla)