Joan Miró

De Wikipedio
Joan Miró
Profesiono: piktisto e skultisto
Lando: Hispania
Naskodato: 20 di aprilo 1893, 1893
Nasko-loko: Barcelona, Katalunia
Mortodato: 25 di decembro 1983
Morto-loko: Palma de Mallorca, Hispania

Joan Miró (n. ye la 20ma di aprilo 1893 til la 25ma di decembro 1983) esis Kataluniana piktisto e skultisto dil 20ma yarcento.

Joan Miró naskis en Barcelona. Ilua patro esis juvelisto e posh-horlojisto. Kom puero, Joan havis nula skolala habileso, ma il havis intereso pri piktado. Employita en 1910 kom kontisto di lokala apoteko, il sufris nervala krulo, e il pose devotigis su ad arto. Il asistis lecioni di la Cercle Artistic de Sant Lluc en Barcelona. Il ne esis senkurajigata pro la nesuceso di expozo-evento di sua verki en 1918. Il translojis a Paris; balde pos arivo il renkontris Pablo Picasso, qua kurajigis il. Miró, vivante en povreso, renkontris plura artisti, inkluzanta kelka de la sureala movado. Il komencis krear sureala pikturi, inspirata per halucini efektigata da hungro. Ilua pikturi esis inkluzata en expozi di verki di sureala piktisti. Tale il komencis establisar sua reputeso.