José Bonifácio de Andrada e Silva
| José Bonifácio de Andrada e Silva | |||
|---|---|---|---|
 |
|||
| Profesiono: | politikisto e naturalisto (geologiisto) | ||
| Lando: |  Brazilia |
||
| Nasko-dio: | 13 di junio 1763 | ||
| Nasko-loko: | Santos, Sao Paulo, Brazilia | ||
| Morto-dio: | 6 di aprilo 1838 | ||
| Morto-loko: | Niterói, Rio de Janeiro, Brazilia | ||
José Bonifácio de Andrada e Silva (1763 til 1838) esis Braziliana politikisto de 19ma yarcento, notora por lua partopreno en la nedependeso proceso.
Ye 1800 il divenis profesoro di geologio en Coimbra, Portugal ed ye 1812 il divenis sekretario di l'akademio pri cienci di Lisboa. Ye 1819 il retroiris a Brazilia, ed exhortis princo Pedro a sejornar en Brazilia, kontre la voluntato di Portugalana korti. Por ta atitudo, il divenis konocita en Brazilia kom la Patriarko di Nedependeso.
Kande Brazilia divenis nedependanta, ilu esis nominita Ministro por Exter Aferi da la imperiestro Pedro 1ma. Kande la Konstitucala Asemblajo esis kunvokita, José Bonifácio esis elektita deputato.
Pos Pedro 1ma abdikis ye 1831, ilu indikis José Bonifácio kom preceptoro di lia filiulo Pedro de Alcântara, qua havis nur 5 yari-evo.
José Bonifácio anke esis un defensero di publika skoli e di l'aboliso di sklaveso.
