José Serra

De Wikipedio
Irez ad: pilotado, serchez
José Serra
JoseSerra 12062010.jpg
Profesiono: politikisto
Lando: Flag of Brazil.svg Brazilia
Nasko-dio: 19 di marto 1942
Nasko-loko: Sao Paulo, Sao Paulo

José Serra (n. ye 1942) esas Braziliana politikistulo. Il esis urbestro di Sao Paulo de 2005 til 2006, e guverniestro di Sao Paulo de 1 di januaro 2007 til 31 di marto 2010.

Biografio[redaktar | edit source]

Naskinta en Sao Paulo ye 19 di marto 1942 il komencis studiar injeniorarto ye 1960. Balde il eniris en studentala movadi, ed eniris la Juventude Universitária Católica - JUC ("katolika universitatala yuneso"). Ye 1962 il helpis fondar la politikala grupo Ação Popular - AP ("popula agado"), qua havis ideologiala influi de Teilhard de Chardin ed altra katolika pensisti e deziris krear un "homala socialismo".

Kun 1964 stato-stroko en Brazilia il fugis a Bolivia, pos a Francia e finale establisis su en Chili, ube vivis til 1973. Kun Chiliana stato-stroko ta yaro, il refujis en Italiana ambasadeyo, e pos obtenis exilo en Usa, ube il studiis ekonomiko, ed obtenis lia doktoreso ye 1977.

Sama yaro il retroiris a Brazilia ed atemptis elektesar kom federala deputato, ma lia politikala yuri esis suspensita da militarala guverno, til l'amnistio, ye 1979. Il divenis profesoro di l'universitato di Campinas e verkis ibe til 1983.

Kande Franco Montoro divenis guverniestro di Sao Paulo ye 1983 il indikis José Serra kom lia Sekretario por Financo. Ye 1986 Serra esis elektita federala deputato kom reprezentero di Sao Paulo stato, ed ye 1994 il esis elektita por senato ed esis senatano de 1 di januaro 1995 til 31 di decembro 2002.

Ye 2002 il decidis esar kandidato a Braziliana prezidanteso kun la suporto di Braziliana social-demokrata partiso - PSDB - ma perdis l'elekto vice Luiz Inácio Lula da Silva. Ye 2010 il nove esis kandidato a la prezidanteso, ma Dilma Rousseff elektesis.

Il esas mariajita kun la Chiliana psikologiistino Sylvia Mónica Allende Serra.