Kamarilio

De Wikipedio

Kamarilio esas ensemblo ek kortani od altra personi qui kunvivas intime kun princo o politikala chefo, e probas influar lu politikale, ordinare sen semblar esar influanta. Konseque, li asumas nula responsiveso por l'efekti de lua avizi. Ca vorto originis de la Hispana camarilla, signifikante "chambreto", o privata chambro de ula monarko. Ol uzesis unesmafoye por nomar l'amiki del rejulo Fernando la 7ma de Hispania, dum lua duesma regno.

Nun, ca vorto ank uzesas por nomizar ula ensemblo ek personi qui ne askoltas l'opinioni di altri e sustenas (intrigante) nur propra opinioni.

Wikipedio
Wikipedio
Wikivortaro explikas
ca rubriko
en altra lingui: Kamarilio