Kingston

De Wikipedio
Kingston
Kingston.
Lando: Jamaika
Informo:
Latitudo: 17°59'N
Longitudo: 76°48'W
Altitudo: 9 m
Surfaco: 480 km²
Habitanti: 662 426 (2011)
Denseso di habitantaro: 1.380 hab./km²
Horala zono: UTC-5
Urbestro: Delroy Williams

Kingston
Historiala domo en Kingston, Jamaika.

Kingston esas chef-urbo e maxim populoza urbo di Jamaika, jacanta an la sud-estala rivo di la lando. Ol konstruktesis apud naturala portuo, protektita da naturala barilo ek sablo, nomizita "Palisadoes". Segun la demografiala kontado di 2011, l'urbo havis 662 426 habitanti.[1] Lua tota surfaco esas 480 km².

L'urbo gastigas la kampuso Mona, dil "Universitato di Westal Indii" (Angle: University of the West Indies), fondita en 1948.

L'aeroportuo internaciona, distanta 19 kilometri de lua centro, esas la 2ma maxim uzata aeroportuo di la lando, dop l'aeroportuo di Montego Bay.

Kingston fondesis en 1692 dal Britaniani e nomizesis honore la rejulo William la 3ma.

Referi[redaktar | redaktar fonto]

  1. Population Usually Resident in Jamaica, by Parish: 2011 - Publikigita da Statistical Institute of Jamaica. URL vidita ye 22ma di aprilo 2023. Idiomo: Angla.