Knut 3ma Hardeknut

De Wikipedio
Irez ad: pilotado, serchez

Knut 3ma Hardeknut ('hardanodo'; en la Daniana Hardeknud, en la Angliana Harthacnut) esis rejulo di Dania (10351042) ed Anglia (10401042).

Hardeknut esis filiulo di Knut la Granda (knut 'nodo'), qua regnis 10161035. Knut venis de Dana rejala familio, ed il esabis rejulo anke di Dania e Norvegia.

Ye 8 di junio 1042 Hardeknut mortis evante cirkume 24 yari, dum ke il esis drinkanta ye mariajo-celebro. Il esis severa e despopulara rejo. Rumoro esis, ke il esas venenagita. Ye la morto di Hardeknut, la rejala familio en Anglia de Dana decendo esis extingata. La sequanta rejo, evante cirkume 40 yari ye entronesko, esis Edward la Konfesanto; ilua genitori esis antea Angla rejo Ethelred (qua regnis 978–1013), ed Emma filiino di duko Richard 1ma di Normandia. Edward, qua pasis la plu multa di sua frua yari en Normandia, ne expektis divenar rejo di Anglia.