Kuala Lumpur

Kuala Lumpur Imaji de Kuala Lumpur. Lando Malaizia Latitudo 3º8'8"N Longitudo 101º41'16"E Altitudo 22 metri Surfaco 243 km² Lojanti (2010) 1,627,172 Lojanto-denseso 6696 loj./km² Horala zono UTC+8 Urbestro Ahmad Phesal Talib Reto: http://www.dbkl.gov.my Mapo

Kuala Lumpur esas chef-urbo di Malaizia. Kun 1.6 milioni lojanti (7.2 milioni en lua metropolal areo) ol esas importanta komercal urbo.

Historio

Dum 1850a yari, rejulo Abdullah bin Raja Jaafar engajis Chiniana laboristi por verkar en mineyi di stano. Chiniani desembarkis en la rivo di Sungay Gombak fluvio, e kreis vilajo en 1857, qua recevis la nomo "Kuala Lumpur", nomo qua signifikas en Malayo 'estuari-fango'. En 1880 ol divenis chef-urbo di Selangor stato.

En 1881 un incendio e pos un inundado destruktis l'urbo, konstruktita kun ligno. Frank Swettenham, lore Britana reprezentanto en Selangor, imperis la rikonstruktado kun briki e teguli. En 1896 Kuala Lumpur divenis chef-urbo di Federita Stati di Malaizia.

L'urbo esis okupita da Japoniani dum duesma mondomilito de 11 di januaro 1942 til 15 di agosto 1945, kande lasta Japoniana trupi kapitulacis. En 1957 kande Malaizia divenis nedependanta, Kuala Lumpur divenis chef-urbo di lando.