La Princeto
De Wikipedio
La Princeto (Le Petit Prince) esas infanteso novelo en alegorii per Antoine de Saint-Exupéry.
Ilu imaginas su sola en deserto Sahara ube ilu juntas yuna extra terala princo. En lua konversado l'autoro indiquas lua propra opinioni pri homaro-folesi e la simpla veri qua populo semblas obliviar kom divenas plu eva.
Tradukesis aden Ido ye mayo 2005 en Adavane.
CHAPITRO XVII
- (...)
- –Bona nokto ! –dicis la surprizata princeto.
- –Bona nokto ! –dicis la serpento.
- –Adsur qua planeto me falis ? –questionis la princeto.
- –Adsur Tero, sur Afrika. –respondis la serpento.
- –Ha !... Kad esas nulu sur Tero ?
- –To esas la dezerto, e nulu esas sur la dezerti. Tero esas tre granda –dicis la serpento.
- La princeto sideskis sur stono e levis lua okuli a la cielo.
- –Me questionas a me –lu dicis- ka la steli intence brilas por ke uladie singlu povez trovar sua stelo. Videz mea planeto, olu esas exakte super ni... ma tre fore !
- –Olu esas bela planeto –dicis la serpento-. Por quo vu venis adhike ?
- –Esas chagreneto inter floro e me –dicis la princeto.
- –Ha ! –dicis la serpento.
- E la du permanis silence.
- –Ube esas la personi ? –klamis fine la princeto-. Onu esas kelke sola sur la dezerto...
- –Inter la personi onu anke esas sola –dicis la serpento.
- La princeto regardis la serpento longatempe.
- –Vu esas stranja animalo ! –dicis la princeto-. Vu esas tam tenua kam fingro...
- –Yes, ma me esas plu potenta kam fingro di rejo –dicis la serpento.
- La princeto ridetis.
- –Me ne kredas ke vu esas tre potenta, mem vu ne havas pedi... nek vu povas voyajar...
- –Me povas transportar vu plu fore kam navo -dicis la serpento.
- Ed olu spulis la maleolo di la princeto, same kam ora braceleto.
- –Ta quan me tushas retroiras a la tero deube lu venis. Ma vu esas pura e vu venas de stelo...
- La princeto nulon respondis.
- –Me kompatas vu, qua esas tante sola sur ta harda granita Tero. Me povas helpar vu se vu sentas nostalgio a vua planeto. Me povas...
- –Ho ! –dicis la princeto-. Me bone komprenis, ma pro quo vu sempre parolas enigmatoze ?
- –Me solvas omna enigmati –dicis la serpento.
- E la du permanis silence.
- Averto lektenda
- La verko La princeto licencesas sub Creative Commons License, http://creativecommons.org/licenses/by-nc/2.0/legalcode
- Autoro.- Fernando Tejón, krayono@yahoo.es
- Ret-pagino.- http://es.geocities.com/idohispania/laprinceto/laprinceto.html
