La du kulturi

De Wikipedio

La du kulturi esas la nomo di nuntempala kulturala temo qua derivas ek la titulo dil influanta konfero da C.P. Snow, pronuncita en 1959. Lua tezo esas ke "l'intelektala vivo di tota westala civilizuro" dividesis en du kulturi - la cienci e la klasika studii pri homala cienci - e to esas importanta obstaklo por solvar la mondala problemi.

Multafoye me partoprenis en asembli di personi qui judikesis kom bone instruktita segun la shabloni de tradicionala kulturo, e qui multe entuziasmoze expresis nekreduleso pri la 'manko di lektado' da ciencisti. Unfoye o dufoye me iracis e questionis la partopreninti quante ek ili povus deskriptar la Duesma Lego di la Termodinamiko. La respondo esis kolda ed anke negiva. Tamen, me questionis li pri kelko ciencale equivalanta a questionar: Ka tu lektis ula verko da Shakespeare?[1]

Me nun kredas ke se me questionabus mem plu simpla kozo — exemple, Quo signifikas maso, od acelero?, qua esas la ciencala equivalanta a questionar Ka tu povas lektar? — ne plua kam la dekimo de ca 'bone instruktita individui' dicus ke ni parolabas la sama linguo. Do, [samatempe kam] la 'granda edifico' di la moderna fiziko duras augmentar adsupere, la maxim multa intelektozi havas tanta konoco pri ol kam lua Neolitika ancestri.[1]

Referi[redaktar | redaktar fonto]

  1. 1,0 1,1 Across the Great Divide - Publikigita da Nature Physics. Dato di publikigo: 2009. Pag.: 309