Legaleso-principo

De Wikipedio
(Ridirektita de Legalesoprincipo)

Legaleso-principo esas judiciala e politikala principo qua establisas la supereso di la lego super irga altra guvernala principo. Segun ol, omna individui, inkluzite suvereni, mustas esar submisata a la legi ed obediar li. Ca konceptajo opozesas a l'ideo pri "deala yuro dil Reji".

Ta nociono, origine germana (Rechtsstaat), ridefinesis dum la komenco dil 20ma yarcento dal Austriana yuristo Hans Kelsen. Segun Kelsen, la konstituco esas la supra norma di ula stato, tamen la fundamento qua validigas la konsituco existas en altra normo, ne skribita e hipotezala, quan ilu nomizis "fundamentala normo". En lua modelo, omna regulo obtenas sua valideso konforme a ca supra regulari. Tala sistemo implikas, altralatere, l'egaleso di omni koram la judiciala normi, e l'existo di nedependanta judiciado.