Les Paul

De Wikipedio
Irez ad: pilotado, serchez
Lester William Polsfuss ("Les Paul")
Les Paul.jpg
Profesiono: muzikisto (gitaristo) e gitaro-developisto
Lando: Flag of the United States.svg Usa
Nasko-dio: 9 di junio 1915
Nasko-loko: Waukesha, Wisconsin, Usa
Morto-dio: 13 di agosto 2009
Morto-loko: White Plains, Nova-York, Usa

Lester William Polsfuss, konocata kom Les Paul esas legendoza gitaristo e gitaro-developisto. Il naskis ye 9 di junio 1915, en Waukesha, Wisconsin, Usa, e mortis ye 13 di agosto 2009, en White Plains, Nova-York, Usa.

Les lernis plear gitaro dum sua yuneso. Evante 13 yari il pleis tradicionala cowboy-kansoni per pseudonimo Red Hot Red en sua hem-urbo.

En la komenco di la 1930a yari la yuna muziko esis employata en radio e pose il divenis bandestro. Il fondis ye 1936 Les Paul Trio. Il translojis a Nova-York, e lo grandigis l’ audantaro ed il famozeskis en la tota lando.

Dum yari di la duesma mondomilito Les Paul igis diski inter altri kun Bing Crosby e kantisto-grupo Andrew Sisters. La famo di Les kreskis, kande il partoprenis l’ unesma turo di Jazz at the Philharmonic ye 1944. Anke ipsa Nat King Cole laudis Les Paul.

La poziciono kom famoza profesionala muzikisto helpis il divenar inventisto. Les Paul developis ye 1946 elekto-gitaro, qua havis solida stipito, por muzik-instrumento-fabrikerio Gibson. Nextayare la fabrikerio lansis l’ unesma Les Paul gitaro. Ye 1952 esis lansita tota serio di la Gibson Les Paul instrumenti.

En la 1950a yari Les performis kun sua spozino Mary Ford. Li esis 28 foye en la listo di la maxim populara muziko-peci(?). Un ek li esis “Vaya Con Dios” en la yaro 1953.

Les Paul ipsa asemblis sua muziko en propra ateliero. Lua solvi esis avan la tempo: Les Paul developis multa-rubandala magnetofonilo(?) e la tekniko por ol. Tale Les povis plear multa gitari en un muziko-peco(?). Il konstruktis anke la sono-modifikilo nomizita Les Paulverizer, qua esis primitiva sintetizatoro.

En la 1960a yari Les Paul koncentris su en la developo dil instrumenti, ma en 1970a yari il performis i.a. kun Chet Atkins en l’ albumo “Chester and Lester” (1976).

L’ impulso di Les Paul en populara muziko esas grandega. Omna inventi da Les esas nun normala e notora moyeni en rock e jazo. Sen Les Paul la muziko semblus tre diferenta. Pro sua kariero kom inventisto il esas juntita a “Inventors’ Hall of Fame” en Usa.