Listo di prezidisti di Finlando
De Wikipedio
La prezidisto di Finlando elektesas da populo por sis-yara periodo. Segun Finlandala konstituco de 1919, lu mustas esar naskinta en Finlando. Pos la longa guverno da Urho Kekkonen, on limitizis la prezidanteso admaxime a du sis-yara periodi.
[redaktar] Historio
Depos nedependesko di Finlando (ye 6 di decembro 1917) til fino di Finlandana interna milito ye mayo 1918, Pehr Evind Svinhufvud esis sorganto di stato di Blanka Finlando e chefo di Finlandala Senato. La chefo di le Reda esis Otto Ville Kuusinen.
De mayo 1918 til julio 1919 Finlando havis du chefi di stato:
- Frederick Karl, princo di Hessen, ne venis a lando e renuncis de la posteno di rejo pos la falo di Germania en la unesma mondo-milito, e
- Carl Gustaf Emil Mannerheim, komandisto di la Blanka armeo. Pose il esis la posedanto di maxim supra povo (12 di decembro 1918–27 di julio 1919).
Ye 1919 Finlando divenis republiko, en qua la prezidisto havis granda povo. La povo di prezidisto diminutesis erste dum la prezidanteso di Tarja Halonen.
Yen la listo pri la prezidisti di Finlando:
| # | Prezidisto | Komenco di guverno | Fino di guverno |
|---|---|---|---|
| 1. | Kaarlo Juho Ståhlberg | 27 di julio 1919 | 1 di marto 1925 |
| 2. | Lauri Kristian Relander | 1 di marto 1925 | 1 di marto 1931 |
| 3. | Pehr Evind Svinhufvud | 1 di marto 1931 | 1 di marto 1937 |
| 4. | Kyösti Kallio | 1 di marto 1937 | 19 di decembro 1940 |
| 5. | Risto Ryti | 19 di decembro 1940 | 4 di agosto 1944 |
| 6. | Carl Gustaf Emil Mannerheim | 4 di agosto 1944 | 8 di marto 1946 |
| 7. | Juho Kusti Paasikivi | 8 di marto 1946 | 1 di marto 1956 |
| 8. | Urho Kekkonen | 1 di marto 1956 | 27 di januaro 1982 |
| 9. | Mauno Koivisto | 27 di januaro 1982 | 1 di marto 1994 |
| 10. | Martti Ahtisaari | 1 di marto 1994 | 1 di marto 2000 |
| 11. | Tarja Halonen | 1 di marto 2000 | (1 di marto 2012) |
