München

München Kelk imaji de München. Lando Germania Regiono Bavaria Latitudo 48°09'0" N Longitudo 11°35'0" E Altitudo 519 metri Surfaco 310,43 km² Lojanti (2009) 1 364 980 Lojanto-denseso 4349 loj./km² Horala zono UTC+1 Urbestro Christian Ude Reto: http://http://www.muenchen.de Mapo

München esas chef-urbo di Germaniana stato di Bavaria. Lua totala lojanti esas 1,305,522 homi ye 2006. Lua totala surfaco esas 310,43 km². Ol esas la 3ma granda urbo di Germania en totala populo-quanto, pos Berlin e Hamburg.

Katedralo di Nia Siorino (Frauenkirche), en München.

Ol jacas 50 km norda di Alpi. Esis fondita ye 1158, e divenis urbo ye 1175. Ol esas importanta ekonomiala e kulturala centro en Germania.

La Festo di Oktobro (Oktoberfest) en München.

München esas famoza pro la "Festo di Oktobro" (Oktoberfest), qua eventas omnayare en septembro. L'Oktoberfest esas un di la maxim notora atraktadi dil urbo. Dum du semani, milioni di turisti de altra parti di Germania e de altra landi vizitas lua tendi di biro e ferio-loki.

Sporto

En la urbo eventis la Somerala Olimpiala Ludi ye 1972. La maxim populara sporto-klubo esas la FC Bayern München, qua esas la maxim sucesoza futbalo-klubo di Germania.