Maratono
Maratono esas kurero-kontesto kun oficala distanco di 42 km e 125 metri, generale disputata en stradi. L'evento esis kreita en homajo a Greka soldato Fidipides, anke konocita kom Filipides.
Filipides kuris de batali-agro di Maraton til Athina, un distanco di 42 kilometri, por anuncar ke Greki vinkis Persiani en Maraton-batalio, qua okuris ye agosto o septembro 490 aK. Pos anuncar la vinko, li mortis di exhausteso.
Moderna maratono [redaktar]
Kande l'ideo di rikrear Olimpiala Ludi aparis, en fino di 19ma yarcento, l'instituceri deziris un granda populala evento, ke rimemoris la glorio di Anciena Grekia. Michel Bréal sugestis l'ideo di maratono, e Pierre de Coubertin aceptis ol. Ante l'Olimpiala Ludi Charilaos Vasilakos kuris l'unesma maratono ye 10 di marto 1896, kun tempo di 3 hori e 18 minuti, por trairar 40 km. La championo di l'unesma Olimpiala Ludi esis Grekian atleto Spyridon Louis, kun totala tempo di 2 hori, 58 minuti e 50 sekundi.
Mulieri kuris maratono por unesma foyo en l'Olimpiala Ludi di 1984 en Los Angeles. Joan Benoit kompletis ol en 2 hori, 24 minuti e 52 sekundi[1].
Nuna rekordo en maratoni por viri esas 2 hori, 6 minuti e 32 sekundi, establisita da Keniana Samuel Wanjiru dum Olimpiala Ludi en Beijing, 2008. Por mulieri, la rekordo esas 2 hori, 23 minuti e 14 sekundi, establisita da Japoniana Naoko Takahashi dum Olimpiala Ludi en Sydney, 2000.
