Maringá

De Wikipedio
Maringá
Aeral imajo pri Maringá
Standardo Blazono
Lando: Brazilia
Stato: Paraná
Informo:
Latitudo: 23°25'30" S
Longitudo: 51°56'20" W
Altitudo: 555 m
Surfaco: 488 km²
Habitanti: 417 010 (2018)
Denseso di habitantaro: 854,65 hab./km²
Disto de Curitiba: 450 km
Urbestro: Ulisses Maia (PDT) (2017-2020)
Mapo di Maringá
Oficala retosituo:
www.maringa.pr.gov.br
Panoramo pri Maringá, kun lua moderna katedralo sinistre en la imajo.

Maringá esas urbo en Braziliana stato Paraná. Segun statistiki dil yaro 2018 ol havis 417 010 habitanti. Lua tota surfaco esas 488 km². Ol esas la 3ma maxim populoza urbo dil stato e la 7ma maxim populoza di la Suda regiono. Ol havas alta indexo pri homala developeso e judikesas kom un ek la maxim sekura urbi de Brazilia por rezidar.

Maringá projetesis e fondesis ye la 10ma di mayo 1947 dal kompanio Companhia de Melhoramentos do Norte do Paraná. L'urbanisto Jorge Macedo Vieira projetis ol segun konceptaji del arkitekto Ebenezer Howard pri la nomizita urbi-gardeni, to esas, urbi cirkondata da verda arei. La precipua skolo-tereno dil Universitato Statala di Maringá, judikata kom la maxim bona universitato dil stato Paraná, jacas en la urbo.

Geografio[redaktar | redaktar fonto]

Tropiko di Kaprikorno trairas Maringá.

La reliefo di Maringá esas plana, jacanta inter la riveri Pirapó ed Ivaí.[1] Tropiko di Kaprikorno trairas la urbo.

La klimato dil urbo esas tropikala kun sika sezono (Aw segun la klimatala klasifikuro da Köppen), an la limito kun klimato subtropikala humida. La mezavalora temperaturo en junio (vintro) esas 17,8°C, kontre ke la mezavalora temperaturo en januaro e februaro (somero) esas 24.5°C.

La pluvoza sezono (plu kam 100 mm omna-monato) iras de septembro til junio. La mezavalora yarala pluvo-quanto esas 1592,7 mm, e la maxim pluvoza monato esas januaro, kun mezavalore 227,2 mm.

Referi[redaktar | redaktar fonto]