Maya

De Wikipedio
Irez ad: pilotado, serchez
Palaco di guvernanto ye Uxmal

Le Maya esis populo en nuna Belize, Guatemala, westa Honduras e norda El Salvador. La civilizeso di le Maya komencis c. 2000 aK; olua maxim alta nivelo eventis de c. 250 til c. 900; ol duris til la arivo di Hispana koloziisti.

La kalendario di le Maya komencis ye 11 di agosto 3114 aK. Segun lia mitologio, ye ca dato komencis la triesma esforco, da la dei Quetzalcoatl e Tepeu, krear homi. Dum antea kalendariala periodo esis la antea esforci krear homi. La unesma homi kreesis de fango, ma li polveskis; la duesma homi, de ligno, esis sen-spirita e obliviis laudar sua dei; tamen la triesma esforco, en qua homi kreesis de maizo (nutrajo importanta di le Maya), esis sucesoza, e ta homi esas nia ancestri.