Miguel Arraes

De Wikipedio
Irez ad: pilotado, serchez
Miguel Arraes de Alencar
Miguel Arraes.jpg
Profesiono: ekonomikisto, advokato[1] e politikisto
Lando: Flag of Brazil.svg Brazilia
Nasko-dio: 15 di decembro 1916
Nasko-loko: Araripe, Ceará, Brazilia
Morto-dio: 13 di agosto 2005
Morto-loko: Recife, Pernambuco, Brazilia

Miguel Arraes de Alencar (1916 til 2005) esis Braziliana politikistulo, de la Socialista Partiso di Brazilia (Partido Socialista Brasileiro - PSB, en Portugalana). Il esis urbestro di Recife, federala deputato, e guverniestro di Pernambuco tre foyi.

Biografio[redaktar | edit source]

Yuneso[redaktar | edit source]

Il naskis en Araripe, Ceará, e kun 17 yari evo iris studiar yuro en l'Universitato di Brazilia (nune Federala Universitato di Rio de Janeiro - UFRJ) e finis su studio en Recife. Ye 1947 divenis Sekretario pri Financo en Pernambuco, danko a lua amiko Barbosa Lima Sobrinho[1], qua verkis kun il.

Politikala kariero til la 1964 stato-stroko[redaktar | edit source]

Ye 1962 il esis elektita guverniestro di Pernambuco kun 47,98% de totala voti per la Social Laborista Partiso (PST) kun la helpo de la Komunista Partiso di Brazilia (qua esis lore ne-legala) e de sektori de la Sociala Demokrata Partiso (PSD), e kontre sektori dil oligarkio rurala, reprezentita da kandidato João Cleofas, de Nacionala Demokratiala Uniono (UDN). La guverno di Miguel Arraes esis konsiderita de sinistra, por obligar rurala proprietanti pagar minimala salario a rurani qua verkis en lia proprieti.

Kun la militarala stato-stroko la trupi di 4ma armeo cirkondis la palaco di guverno ye 1 di aprilo 1964 e demandis Arraes renuncar. Il rekuzis, ed esis enkarcerigita sam dio. Il esis sendita a Fernando de Noronha kom karcerano e pose a Rio de Janeiro. Pos recevar habeas corpus il exilis su en Aljeria.

Politikala kariero pos l'amnistio[redaktar | edit source]

Ye 1979 kun la politikala amnistio, Miguel Arraes retroiris a Brazilia. Ye 1982 il elektesis su kom federala deputato per la Braziliana Partiso pri Demokratiala Movimento (PMDB). Ye 1986 il nove elektesis su kom guverniestro di Pernambuco.

Ye 1990 il eniris nove en PSB, ed ye 1994 il elektesis kom guverniestro di Pernambuco la 3ma foyo, kun 78 yari evo. Arraes esis forta antagonisto di la politiko di Fernando Henrique Cardoso. Dum lia lasta guvernisteso okuris krizo en la polico di Pernambuco ed en le financi dil stato. Ye 1998 il konkuris kontre Jarbas Vasconcelos nove por guverno di Pernambuco ma perdis l'elekto.

Ye 2002 il kandidatesis kom federala deputato e ganis l'elekto. En fino di ca yaro, il suportis Lula kom kandidato a prezidanteso.

Arraes mortis ye 13 di agosto 2005.

Referi[redaktar | edit source]

  1. 1.0 1.1 Biografio en Portugalana, en la chambro di deputati