Mikhail Glinka

De Wikipedio
Irez ad: pilotado, serchez
Mikhail Glinka

Mikhail Ivanovich Glinka (1 di junio 1801 til 15 di februaro 1857) esis Rusiana kompozisto.

Ye 7 di septembro 1842 ilua opero Vivo por la Caro esis unesmafoye pleata en Moskva, pos olua apertala pleo en St. Petersburg ye 27 di novembro 1836. Glinka esis la unesma Rusiana kompozisto qua divenis bone konocata, ed il esis influiva por futura Rusiana kompozisti.

Vivo por la Caro esis la unesma di du operi da Glinka. Fondita sur faktala eventi di 1613, la rakonto esas pri rurano Ivan Susanin, qua sakrifikas sua vivo por salvar la vivo di Caro Mikhail 1ma, kande il misduktas Polona soldati qui intencas kaptar la Caro. Caro Nikolai 1ma ipsa havis intereso pri la skribado di ca opero, ed il sugestis la titulo, vice la originala titulo Ivan Susanin. La opero esis bone recevata, e la Caro donis valoroza ringo a Glinka. Futura Rusiana operi, influita da ca verko, simile traktis nacionala historiala temi.

La duesma opero di Glinka, Ruslan e Lyudmila, esis unemsafoye pleata ye 9 di decembro 1842, en St. Petersburg; ol esis ne tam bone recevata kam ilua unesma opero, e to deskurajigis il pri skribar plusa operi.