Mondala Kupo di Futbalo 2014

De Wikipedio
Joseph Blatter, prezidanto di FIFA, anuncas Brazilia kom eventeyo por la Mondala Kupo di Futbalo en 2014.
Stadio Maracanã, en Rio de Janeiro, loko ube eventis la lasta partio di la Mondala Kupo di Futbalo en 2014.

La Mondala Kupo di Futbalo en 2014 esis futbala championkonkurso eventinta en Brazilia de la 12ma di junio til la 13ma di julio 2014, kun la partopreno di 32 esquadi, inkluzite la Braziliana. Lor la Mondala Kupo di Futbalo eventis en Brazilia duesmafoye. L'unesma esis en 1950.

Entote eventis 64 partii til la finala en la stadio Maracanã ye la 13ma di julio 2014, inter Arjentinia e Germania. Germania vinkis la partio per 1-0 e divenis championo di futbalo por la 4ma foyo en lua historio. James Rodríguez de Kolumbia esis la maxim efikiva atakanto: entote ilu facis 6 goli dum la Kupo. L'Arjentiniano Lionel Messi konsideresis la maxim bona ludisto.

Dek e du urbi Brazilian gastigis la partii: São Paulo, Rio de Janeiro, Brasília, Belo Horizonte, Salvador, Recife, Fortaleza, Porto Alegre, Manaus, Curitiba, Natal e Cuiabá. Sep urbi konstruktis nova stadii, e la kin cetera (Rio de Janeiro, Fortaleza, Salvador, Curitiba e Porto Alegre) reformis stadii.

Demonstro kontre la Mondala Kupo di Futbalo en Copacabana ye la 12ma di junio.

L'urbi amelioris lua substrukturi, nome transportala e voyala, por bone gastigar la turisti. Dum la Mondala Kupo di Futbalo la lando gastigis cirkume 1 milion stranjera turisti de 202 landi, e la festi organizita da FIFA gastigis entote 5 milion personi.[1] Altralatere, l'organizo di la Kupo stimulis multa kontroversi, exemple demonstri kontre la spensi por konstruktar o plubonigar stadii kontraste la nesuficanta koloko por plubonigar publika hospitali o skoli.

Referi[redaktar | redaktar fonto]

  1. Em balanço da Copa, Dilma afirma que Brasil derrotou pessimistas - Publikigita da O Globo. Idiomo: Portugalana.