Montserrat

De Wikipedio
Irez ad: pilotado, serchez
Montserrat
Flag of Montserrat.svg Coat of arms of Montserrat.svg
Chef-urbo
lojanti (yaro)
Brades
(cirkum 1000)
LocationMontserrat.png
Rejino Elizabeth 2ma
Guberniestro Peter Andrew Waterworth
Surfaco 102 Km²
Habitanti
Lojanto-denseso
5,164 (2012)
44 hab./km²
Oficala pagino http://www.gov.ms

Montserrat esas insulo en Karibeano qua apartenas ad Unionita Rejio.

Bazala fakti pri Montserrat.

Historio[redaktar | edit source]

L'insulo deskovresis da Cristoforo Colombo en 1493. Il nomizis ol pro la rokoza Montserrat en Katalunia en Hispania, quon, segun il, ol similesis. Ol divenis Britaniana kolonio en 1632.

De 1871 til 1958 Montserrat divenis parto di la Kolonio di Leeward Insuli. De 1958 til 1962 ol esis parto di la Federuro di West-Indii.

En 1979 George Martin, muzikala produktisto qua verkis kun The Beatles apertis muzikal ateliero en Montserrat, ed atraktis mult artisti vers l'insulo. Tamen, du granda naturala dizastri frapis l'insulo e afektis komplete lua habitanti ed ekonomio.

En 1989 uragano Hugo frapis l'insulo kun venti qui atingis 140 milii per horo, e domajis plu kam 90% de la strukturi dil insulo. La muzikal ateliero klozesis e la turismo afektesis forte. En julio 1995, Soufrière volkano eruptis, e destruktis komplete Plymouth, anciena chef-urbo di insulo. Populo eskapis vers Unionita Rejio. Poka habitanti rivenis depos: en 1994 totala habitanti esis aproxime 13 000; en 2005 esis evaluita 4 488.

Geografio[redaktar | edit source]

Litoro di Montserrat.

Montserrat jacas 48 km sud-weste de Antigua e 480 km est-sud-este de Porto-Riko. Lua teritorio esas montoza e havas volkanal origino. Lua klimato esas tropikala e la temperaturi varias poke dum la yaro.

Depos l'erupto di Soufrière en 1995 la habitanti abandonis la sudo dil insulo, inkluzite l'anciena chef-urbo Plymouth. Nune plu kam la duimo dil insulo formacas exkluzo-zono, ube nulu povas rezidar. En 2011 nova aeroportuo apertesis en la nordo dil insulo. La nordo dil insulo poke afektesis, e konservas multe l'originala vejetantaro.

Ekonomio[redaktar | edit source]

Exquisite-kfind.png Videz anke: Ekonomio di Montserrat.

Demografio[redaktar | edit source]

La habitanti dil insulo esas cirkume 5,879 en 2008. Altra 8,000 Montserratani abandonis l'insulo pos l'erupto di Soufrière e vivas precipue en Unionita Rejio. Nigri esas 88.4%, blanki e mestici de Irlandani, Britaniani ed Afrikani esas l'altra grupi.

Pos la dizastro, Unionita Rejio grantis Britaniana civitaneso a tota la habitanti di Montserrat.

Kulturo[redaktar | edit source]

Muzikistulo Alphonsus Arrow Cassell, famoza kun la soca Hot Hot Hot naskis en Montserrat.

Extera ligili[redaktar | edit source]


Stati e teritorii en Karibeano
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin-Insuli Britana | Guadelupa | Kaiman-Insuli | Kuracao | Martinik | Montserrat | Navassa | Porto-Riko | Sant Maarten | Turks e Kaikos-Insuli | Virgin-Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius