Moravia

De Wikipedio
Irez ad: pilotado, serchez
Moravia en relato al nuna regioni di Chekia.

Moravia (chek. Morava, ger. Mähren) esas historial regiono en central Europa en l' esto di Chekia, un ek l' olima landi Chekiana. Ol nomizesis segun la rivero Morava, qua havas sua fonto en la nord-esto dil regiono.

Populo[redaktar | edit source]

Historial standardo di Moravia

Moraviani (chek. Moravané o konversatre Moraváci) esas west-Slava habitanti di moderna Moravia. Li parolas dialekti Moraviana dil Cheka linguo.

Moravia-Silezia en Chekoslovakia inter la yari 1928–1938.

Cirkum 2 800 000 Moraviani vivas en Chekia. Majoritato di li deklaras Cheka etnikeso, qua komprenesas kom etnikeso inkluzanta Bohemiani, Moraviani e Sileziani en Chekia. Ma 380 474 Moraviani deklaris aparta Moraviana etnikeso en la kontado di populo en la yaro 2001 (1 363 000 en la yaro 1991).

Kostumi maskula e femina portata dum la festo Jízda králů eventanta omna-yare en la vilajo di Vlčnov en sud-est-Moravia (tale nomata Slovakia Moraviana).

Pro kauzi historial, e la Cheka vorto por "Cheko" e lo por "Bohemiano" esas sama (sg. Čech, pl. Češi). La signifiko "Bohemiano" esas rara, ma teoriale povas ne esar klara, qua kategorio intencesas. Pro to kelka homi (exemple politikisti) parolas a Bohemiani, Moraviani e Sileziani en sua diskursi.

Blazono di Moravia

Sud-central-Moravia esas plu religiema kam Bohemia e Silezia ed ol esas bastiono dil eklezio katolika e dil Kristana demokrati.

Nur en l' unesma yari pos la Revoluciono di Veluro en la yaro 1989, kelka partisi politikal Moraviana sucesis en l' elekto. Ma li perdis multa forteso dum la des-asociado di Chekoslovakia en la yaro 1993, kande Chekoslovakia pacoze dividis su ye Chekia e Slovakia.