Movado di Lasta-Dia Santi

De Wikipedio
Irez ad: pilotado, serchez

Movado di Lasta-Diala Santi (anke nominata kom LDS-movado o LDS-restaurismo-movado) esas grupo di independanta eklezii origine en Kristana primitivista movemento fondita da Joseph Smith, Jr. en lasta[?] 1820. Entote ca eklezii havas 14 milioni membri. La maxim granda parto di mormoni apartenas a L'Eklezio di Iesu Kristo di Lasta-Diala Santi, e lua principala teologio esas mormonismo. Minoritato de Lasta-Diala Santi kredas en tradicionala protestantala teologio kom Kongregaciono di Kristo e separis su de diferanta doktrini di mormonismo.

La movemento komencis en westa New York dum la Duesma Granda Vekigo kande Smith dicis, ke il recevis vizioni revelanta nova sakra texto, la Libro di Mormon, qua publikigesis ye 1830 kom suplemento a Biblo. Apogante su en la docaji di ta libro ed altra reveli, Smith fondis Kristana primitivista eklezio kun nomo Eklezio di Kristo. La Libro di Mormon adduktis multa unesma adheranti, qui pose esis konocota kom "Mormoni", "Lasta-Diala Santi" o nun "Santi". Ye 1831 Smith movis la sideyo di l'Eklezio a Kirtland, en Ohio, ed ye 1834 il chanjis lua nomo ad "Eklezio di la Lasta-Diala Santi".

Pose l'Eklezio en Ohio krulis pro deskonkordi ye 1838, Smith e la precipua korpo di l'Eklezio translojis a Missouri, e pose ad Illinois. Pos lua morto ye 1844, sucedala krizo igis la organizuro dividar su en multa grupi. La maxim granda esas l'Eklezio di Iesu Kristo di Lasta-Diala Santi, qua translojis ad Utah sub la dukto di Brigham Young, ed esis konocata dum la 19ma yarcento pro lua praktikado di poligamio. Ye 1890 l'Eklezio formale renuncis la poligamio e la teritorio di Utah divenis Usana stato. Ta chanjo rezultigis formado di mikra sekti, qui volis mantenar poligamio ed altra mormona doktrini e praktiki, hodie konocata kom mormona fundamentalismo.

Videz anke[redaktar | edit source]