NSA telefon-datumaro

De Wikipedio
Irez ad: pilotado, serchez

La NSA telefon-datumaro esas datumaro di telefon-konversadi kreita da la Usana Nacionala Agenterio di Sekureso (NSA o National Security Agency en la Angla) kun la kunlaborado di quar ek la maxim granda telefono-kompanii en Usa: AT&T, SBC, Verizon e BellSouth. La existo di ica datumaro e la NSA-programo qua kompilis ol esis ne-savata a la populo til la jurnalo USA Today raportis pri ol ye 10 di mayo 2006. Esas pensat ke la datumaro kontenas plu kam 1.9 trilion detali pri telefonagado pos 11 di septembro 2001. La existo di la datumaro igis forta opozado da ti qui pensas ke ol esas ne-yustala sercho di la vivi di la populo, e tale violaco di la Quaresma Emendo di la Konstituco di Usa.

Kontenajo di la datumaro[redaktar | edit source]

Segun la artiklo, la datumaro esas la maxim granda datumaro facita en la mondo e kontenas detali pri omna telefonagado, interne ed extere. En la rekordo esas la telefon-nombri di la telefonaganti e telefonagati, la horo e la durado di la konversado. La datumaro ne havas specifika nomi od adresi, ma ta informajo esas facile trovebla en altra loki.

Extera ligili[redaktar | edit source]