Chomeso

Ne-employeso en tota mondo. En gradi di reda, landi kum plu kam 50% di ne-employeso di lua labor-povo.

Chomeso (sinonimo: ne-employeso) esas sociala ed ekonomiala situeso, en qui parto di labor-povo ne havas laboro o serchas por laburo dum kelka tempo, ma ne trovas labori ke li povas facar. Segun l'internaciona organizuro pri laboro (en Franca OIT, en Angla ILO) un persono esas konsiderata sen laboro kande il serchas nesucesoze por verko dum plu kam 4 semani.

Ne-employeso signifikas ke en labor-merkato mankas labori por laboristi, segun lia grado di savado, ke permisas li transvivar, nutrar e sustenar adequate li e lia familii. Ta fakto generale demonstras la mala funcioneso di l'ekonomio en un lando, regiono o - se okuras un generala ekonomiala krizo kom ye 1929, o en 2009 pos la krizo qua komencis en Grekia - en tota o granda parto di la mondo.