Okinawa-batalio

De Wikipedio
Irez ad: pilotado, serchez
Okinawa-batalio
Attack on bloody ridge.jpg
Usana tanko destruktita da Japoniani.
Konflikto Duesma mondomilito
Dato 1 di aprilo til 22 di junio 1945
Loko Okinawa, Japonia
Rezultajo Japoniana vinkeso. Usa okupis Okinawa til 1972.
Militanti
Flag of the United States.svg Usa (armeo)
kun suporto de Usana e Britaniana mar-armei
Flag of Japan.svg Japonia
Komanderi
Simon B. Buckner, Jr
Roy Geiger
Chester W. Nimitz
Raymond A. Spruance
Pedro del Valle
Sir Bernard Rawlings
Philip Vian
Bruce Fraser
Mitsuru Ushijima †
Mitsuro Cho †
Minoru Ota †
Seiichi Ito †
Totala forci
183,000 (komence) ~80,000 Japoniani e cirkum 40,000 Okinawani
Perdaji
plu kam 12,000 morti
plu kam 38,000 vunditi
28 navi dronita
245 tanki
centi di avioni e multa armi
plu kam 110,000 morti
plu kam 7,000 kaptita
27 tanki

Okinawa-batalio esis la maxim granda amfibia atako de la milito en Pacifiko, dum la duesma mondomilito. Ol okuris en Ryukyu insuli ed Okinawa. Federiti planigis uzar Okinawa kom bazo por bombardar Japonia e preparar posibla invado di Japoniana teritorio. La lukto esis feroca, e Japoniani uzis intensa suocidant ataki kontre Usana trupi.

Terala batalio en Okinawa komencis en 1 di aprilo 1945 e lastis 81 dii. Ante, l'unesma Usani qui iris a la tero esis soldati de la 77ma Infantria Diviziono, qui desembarkis en 26 di marto en Kerama insuli, 24 km sud-weste de Okinawa. Dum ta operaco 27 soldati mortigesis e 81 vundesis. Li kaptis 650 Japoniana soldati ed eliminis la minaco pri suocidant ataki kun bateli. En la 1ma di aprilo 2ma Marala Diviziono simulis atako en la plaji di Minatoga por trompar Japoniani e tardigar la kontreatako. Usani kaptis Kadena ed Yomitan aerodromi facile, e decidis sizar la nordo di Okinawa. Okuris violentoza kombati e finale en la 18ma di aprilo Usana kaptis Yae monto.

Tra l'operaco Ten-Go Japoniani atemptis uzar 10 navi komandita da admiralo Seiichi Itō, inkluzite la protektata kroz-navo Yamato (la maxim granda kroz-navo konstruktita til nun), por atakar Usana navi. Usana submarala navi trovis Japoniana floto balde pos ol abandonar Japoniana teritorial aqui ed interceptesis da Usan aviona transportonavo. Pos atako di plu kam 300 Usan avioni dum du hori en 7 di aprilo 1945, Yamato sinkis mult ante atingar Okinawa. Kin altra Japoniana navi sinkesis dum la batalio. Entote Japoniani perdis 3,700 maristi dum la batalio, inkluzite admiralo Itō, kontre 12 Usana piloti e 10 avioni.

Por domtar la rezisto di civitani, Usani distributis propaganda pamfleti a la kaptiti.

La batalio esis kruela por lokala habitanti. Japoniana trupi montris indiferenteso pri Okinawani, ed ofte uzis Okinawana civili por homala skudi. Li anke konfiskis alimenti de lokala habitanti, e multa civitani mortis pro hungro. Ultre por Usana trupi, ne esis facila por distingar civitani de soldati, ed en multa kazi on pafis kontre domi sen savar qui esis ibe, civitani o Japoniana soldati. Multa habitanti suocidis, instigita da Japoniana soldati, qui dicis a li ke Usani volus mortigar o violacar la kaptita civitani. On kalkulas ke signifikanta nombro di civila Okinawani - 42,000 til 150,000 personi, de cirkum 300,000 habitanti - mortigesis o suocidis.

Pos la batalio, 90% de l'edifici e domi di Okinawa restis destruktita. Kelka historiisti afirmas ke la feroceso di Okinawa-batalio modifikis la projetita ideo pri un invado di Japoniana teritorio. Vicee, Usa preferis lansar atom-bombi super Japonian urbi, por acelerar Japoniana kapitulaco.