Olimpiala Ludi en London, 1908
De Wikipedio
L'Olimpiala Ludi en London, 1908 od oficale la 4ma Olimpiala Ludi esis internaciona poli-sportala konkurso qua eventis ye 1908 en London, Unionita Rejio. Ludi okuris en London por unesma foyo.
Le Ludi komencis ye 27 di aprilo e finis ye 31 di oktobro 1908, kun la partopreno di 2.008 atleti (37 mulieri e 1.971 viri) de 22 landi. Esis 110 eventi de 22 sporti.
Kelka fakti [redaktar]
- La distanco por kurar maratono kreskis de 42 km til 42,195 metri.
- Italiana atleto Dorando Pietri esis l'unesma ad arivar en maratono, ma esis desqualifikita, por recevar la helpo de kelka personi kande falis dum kurado.
- Por unesma foyo, okuris kontesto di bat-kroso en feldo en l'Olimpiala Ludi.
- Por unesma foyo en l'Olimpiala Ludi, atleti marchis sub le flagi de lua landi.
- Atleti de Finlando refuzis marchar sub la flago di Rusiana Imperio. Kelka marchis sub la Finlandana flago, ed altra refuzis uzar ula flagi.
- On obliviis desfaldar la flago di Suedia en la stadiono. Kom rezultajo, Suediana atleti refuzis partoprenar en la ceremonio di aperturo.
- Australia e Nova-Zelando partoprenis kun unika esquado, nomizita Australazia.
- L'Otoman imperio, sub la nomo "Turkia", partoprenis por unesma foyo.
Medalii ganita [redaktar]
Hike esas la listo di landi qua ganis adminime 1 bronza medalio ye 1908.
| # | Lando | Ora | Arjenta | Bronza | Entote |
|---|---|---|---|---|---|
| 1 |  Unionita Rejio |
56 | 51 | 39[1] | 146 |
| 2 |  Usa |
23 | 12 | 12 | 47 |
| 3 |  Suedia |
8 | 6 | 11 | 25 |
| 4 |  Francia |
5 | 5 | 9 | 19 |
| 5 |  Germania |
3 | 5 | 5[1] | 13 |
| 6 |  Hungaria |
3 | 4 | 2 | 9 |
| 7 |  Kanada |
3 | 3 | 10 | 16 |
| 8 |  Norvegia |
2 | 3 | 3 | 8 |
| 9 |  Italia |
2 | 2 | 0 | 4 |
| 10 |  Belgia |
1 | 5 | 2 | 8 |
| 11 |  Australazia |
1 | 2 | 2 | 5 |
| 12 |  Rusia |
1 | 2 | 0 | 3 |
| 13 |  Finlando |
1 | 1 | 3 | 5 |
| 14 | Sud-Afrika |
1 | 1 | 0 | 2 |
| 15 |  Grekia |
0 | 3 | 0 | 3 |
| 16 |  Dania |
0 | 2 | 3 | 5 |
| 17 |  Bohemia |
0 | 0 | 2 | 2 |
| 17 |  Nederlando |
0 | 0 | 2 | 2 |
| 19 |  Austria |
0 | 0 | 1 | 1 |
| Totali | 110 | 107 | 106 | 323 | |
Referi [redaktar]
- ↑ 1.0 1.1 La statistiko de l'Internaciona Olimpiala Komitato (IOK) prezentas la bronza medalio ganita da Dorothy Greenhough-Smith kom Germaniana, ne Britaniana. Hike esas prezentata la korekta statistiko.
