Olimpiala Ludi en Los Angeles, 1984

L'Olimpiala Flago.

L'Olimpiala Ludi en Los Angeles, 1984, od oficale 23ma Olimpiala Ludi, esis internaciona poli-sportala konkurso qua eventis ye 1984 en Los Angeles, Kalifornia, Usa. Ol esis la duesma foyo ke Los Angeles hostis l'Olimpiala Ludi (unesma esis ye 1932) e la triesma foyo ke ol okuris en Usa (unesma esis ye 1904).

La Ludi komencis ye 28 di julio e finis ye 12 di agosto 1984. En la Ludi partoprenis 6.829 atleti (5.263 viri e 1.566 mulieri) de 140 landi e teritorii qui havis Olimpiala komitati. Okuris 221 eventi de 23 sporti.

Sovietana boikoto

Landi qua boikotis le Ludi: en Montreal ye 1976 (en flava); en Moskva ye 1980 - (en blua); ed en Los Angeles ye 1984 (en reda).

Soviet-Uniono e 13 altra komunista landi membri di Warszawa-pakto boikotis le Ludi. Soviet-Uniono anoncis lua ne-participeso ye 8 di mayo 1984, ed oficale citis "shovina sentimenti e histerii kontre le Sovietani agitesita en Usa".

Rumania (guvernita lore da Nicolae Ceauşescu) esis l'unika membro di Warszawa-pakto qua partoprenis en le Ludi. Rumaniani ganis 53 medalii (20 ora, 16 arjenta e 17 bronza), la duesma lando en la rango di medalii. Populala Republiko di Chinia (4ma en la rango di medalii ye 1984) ed Yugoslavia (9ma), komunista landi ke ne esis membri di Warszawa-pakto, anke partoprenis en la Ludi.

Kelka fakti

Enireyo di Los Angeles Memorala Stadio, ube okuris le ceremonii di aperto e klozado di le Ludi.

• Ye 1979 kande elektesis la sideyo di l'Olimpiala Ludi ye 1984, Los Angeles esis l'unika kandidata urbo.
• Los Angeles ne havis debeto kom rezulto di la Ludi; opoze ol havis gano, uzita por krear l'Amatora Atletala Fonduro.
• Carl Lewis konkuris unesma foyo, e ganis 4 ora medalii: 100 metri, 200 metri, 4X100 metri relayo, e salto en longeso.
• Maratono por mulieri okuris unesma foyo, vinkita da Joan Benoit. Dum lasta rondiro, Suisiana atletino Gabi Andersen-Schiess faletis til l'arivo-lineo, pro exhausteso.
• Portugalana atleto Carlos Alberto de Sousa Lopes ganis l'unesma ora medalio por lia lando en la maratono ed establisis nova Olimpiala rekordo: 2 hori, 9 minuti e 21 sekundi.
• Sinkronigata natado aparis en la Ludi por unesma foyo.
• Francia ganis ora medalio en futbalo pos vinkar Brazilia 2-0.
• Teniso e basbalo aparis kom demonstro-sporti.

Medalii ganita

Hike esas la listo di landi qua recevis adminime 1 medalio en Los Angeles ye 1984.

#	Lando	Ora	Arjenta	Bronza	Entote
1	Usa	83	61	30	174
2	Rumania	20	16	17	53
3	West-Germania	17	19	23	59
4	PR Chinia	15	8	9	32
5	Italia	14	6	12	32
6	Kanada	10	18	16	44
7	Japonia	10	8	14	32
8	Nova-Zelando	8	1	2	11
9	Yugoslavia	7	4	7	18
10	Sud-Korea	6	6	7	19
11	Unionita Rejio	5	11	21	37
12	Francia	5	7	16	28
13	Nederlando	5	2	6	13
14	Australia	4	8	12	24
15	Finlando	4	2	6	12
16	Suedia	2	11	6	19
17	Mexikia	2	3	1	6
18	Maroko	2	0	0	2
19	Brazilia	1	5	2	8
20	Hispania	1	2	2	5
21	Belgia	1	1	2	4
22	Austria	1	1	1	3
23	Kenia	1	0	2	3
23	Portugal	1	0	2	3
25	Pakistan	1	0	0	1
26	Suisia	0	4	4	8
27	Dania	0	3	3	6
28	Jamaika	0	1	2	3
28	Norvegia	0	1	2	3
30	Grekia	0	1	1	2
30	Nigeria	0	1	1	2
30	Portuo Riko	0	1	1	2
33	Kolumbia	0	1	0	1
33	Ivora Rivo	0	1	0	1
33	Egiptia	0	1	0	1
33	Irlando	0	1	0	1
33	Peru	0	1	0	1
33	Siria	0	1	0	1
33	Tailando	0	1	0	1
40	Turkia	0	0	3	3
40	Venezuela	0	0	3	3
42	Aljeria	0	0	2	2
43	Kamerun	0	0	1	1
43	Taiwan	0	0	1	1
43	Dominikana Republiko	0	0	1	1
43	Islando	0	0	1	1
43	Zambia	0	0	1	1
Total		226	219	243	688