Oviedo

Pri Usana urbo kun la nomo Oviedo, videz: Oviedo, Florida.

Oviedo



Lando	Hispania

Latitudo	43º21'36" N
Longitudo	5º50'42" W
Altitudo	232 metri
Surfaco	186,65 km²
Lojanti (2007)	221 202
Lojanto-denseso	1.185,12 loj./km²
Horala zono	UTC+1
Urbestro	Gabino de Lorenzo
Reto: www.oviedo.es

Oviedo esas urbo en Hispania, chef-urbo dil autonoma regiono di Asturia. Lua totala lojanti esis 221,202 ye 2007. Lua totala surfaco esas 186,65 km². Nune esas importanta komercala centro.

Katedralo di Santo Salvero, en Oviedo. Nuna edifico datis de 1388.

On dicas ke du monaki, Máximo e Fromestanus, fondis l'urbo ye 761. Rejulo Froila 1ma di Asturia developis l'urbo dum lia regenteso e konstruktis un palaco e la Katedralo di Santo Salvero ye 781. Lua filiulo Alfonso 2ma instalis la chefurbo di la rejio di Asturia en l'urbo. L'urbo divenis loko di pauzo por pilgrimi en voyo a Santiago de Compostela.

Pos la morto di rejulo Alfonso 3ma L'urbo di León divenis la chefurbo di la rejio di Asturia e León. L'urbo kontinuis kreskar dum la sequanta yarcenti, e lua aquedukto esis konstruktita dum 16ma yarcento. Lua universitato (Universidad de Oviedo) esis fondita dum la komenco di 17ma yarcento. L'urbo kreskis dum 19ma yarcento kun l'industriala expanseso, e dum 20ma yarcento kun la kresko di komerco.

L'urbo sufris un siejo ye 1936 dum Hispaniana interna milito.