Palikir

De Wikipedio
Palikir
Aeroportuo di Pohnpei.
Lando: Mikronezia
Regiono: Insulo Pohnpei.
Informo:
Latitudo: 6°55'04" N
Longitudo: 158°11'06" E
Surfaco: 107.4 km²
Habitanti: 4 645 (2009)
Horala zono: UTC+11
Mapo di Palikir

Palikir esas chef-urbo di la Federata Stati di Mikronezia. Segun statistiki de 2009, ol havis 4 645 habitanti. Lua tota surfaco esas 107,4 km².

Historio[redaktar | redaktar fonto]

Palikir guvernesis da tribuala chefi dum anciena epoki, e konsistis ek vilajeti poke importanta. L'insulo deskovresis dal Portugalani e Hispani dum la 16ma yarcento, tamen existas poka evidentaji pri koloniigo. Erste en 1886, Hispania prenis kontrolo di Pohnpei e fondis kolonieto pose nomizita Kolonia. Tamen, pos la milito Hispana-Usana, Hispania perdis influo en Pacifiko e vendis l'insulo a Germana imperio.

Dum l'unesma mondomilito, Japonian imperio kaptis l'insulo, e dum la duesma mondomilito li konstruktis aeroportuo proxim Kolonia. Kande la milito finis, Usa prenis kontrolo dil insulo til la nedependo di la Federata Stati di Mikronezia en 1979.

Geografio[redaktar | redaktar fonto]

Aeroportuo e portuo di Pohnpei, en Palikir

Distanta 8 km sudweste de Kolonia, Palikir havas variata reliefo, konsistanta ek alta monti e basa tereni, e cirkondata da densa foresto. Submara rifi cirkondas komplete la rivo dil insulo.

La klimato dil urbo esas tropikala pluvoza (Af segun la klimatala klasifikuro da Köppen). La mezavalora yarala temperaturo esas 27°C, ed ol varias poke dum la yaro.

La mezavalora yarala pluvo-quanto esas 4798 mm, e la maxim pluvoza monato esas mayo, kun mezavalore 493 mm. Ne existas sika sezono.