Pavel 1ma di Rusia

De Wikipedio
Irez ad: pilotado, serchez

Pavel 1ma (Павел I Петрович) (1 di oktobro 1754; Jul. 20 di septembro – 24 di marto 1801; Jul. 12 di marto) esis caro di Rusia inter 1796 e 1801.

Pavel sucedis sua matro Yekaterina 2ma (qua regnabis depos 1762) en 1796. Il opinionis, ke la Rusa nobelaro esas dekadanta e koruptita, e deziris, ke li esez bone diciplinata e loyala, quale mez-epoka ordeno di kavaliereso. Plura de la nobelaro, odiante il, komplotis ilua ocideso, kelka monati ante la evento.

Caro Pavel 1ma esis ocidata ye 23 di marto 1801. La caro asasinesis en lito-chambro di la recente-konstruktita Kastelo di St. Mikhail en St. Peterburg da grupo de desengajita oficiri. Generalo Nikolai Zubov, un de la ocidinti, quik pose anuncis ad Alexandr 1ma (filiulo di Pavel) qua esis en altra parto di la kastelo, ke il esas la nova caro.