Petrolo

De Wikipedio
Irez ad: pilotado, serchez
Molekulo di oktano, trovita en petrolo.

Petrolo (da Grekiana vorti πετρή petros - petro, ed ολέον oleos - oleo) esas liquido ke okuras en subtero di kelka regioni di Tero e konsistas ek multa substanci, precipue hidrokarbi.

Petrolo esas uzita precipue por obtenar kombusteblaji (oleo Diesel, gazolino, kerozeno, ec.) ke esas importanta fonti di energio. Altra uzaji esas kom kruda fonto por fabrikar plastiko, solventi, pest-ocidi, ec.

Nafto esas un parto di proceso di rafino di petrolo.

La maxim granda petrolo-kompanii en la mondo[redaktar | edit source]

Limitala materiajo[redaktar | edit source]

Oceanala platformo di exploro di petrolo.

Ye 2004 la mondumo konsumis 3,9 miliardo tuni de petrolo. Quankam ol esas limitala materiajo, qua finas ul-die. Nun (2005) opinionesas, ke la somito en la petrolala produkto esas atingota dum 2030a yari. Uli prediktas, ke la somito venas plu frue, uli prediktas, ke ol venas plu tarde, ma omni konkordas, ke la mondumo devas serchar nova energio-fonti, malgre nova petrolala rezervaji esos od esus trovita.

Konocata petrolala rezervaji di la mondo – segun la situaciono en 2004 – esas:

  1. Proxim-Oriento – 100,0 miliardo tuni – 61,7 %
  2. Eurazia – 19,0 miliardo tuni – 11,7 %
  3. Afrika – 14,9 miliardo tuni – 9,4 %
  4. Centra e Sud-Amerika – 14,4 miliardo tuni – 8,5 %
  5. Nord-Amerika – 8,0 miliardo tuni – 5,1 %
  6. Rivala stati di la Pacifiko – 5,5 miliardo tuni – 3,5 %

Konocata petrolala rezervaji di la maxim granda dekeduo ye 2004:

  1. Saudia Arabia – 36,1 miliardo tuni
  2. Iran – 18,2 miliardo tuni
  3. Irak – 15,5 miliardo tuni
  4. Kuwait – 13,6 miliardo tuni
  5. Unionita Araba Emirati – 13,0 miliardo tuni
  6. Venezuela – 11,1 miliardo tuni
  7. Rusia – 9,9 miliardo tuni
  8. Kazakstan – 5,4 miliardo tuni
  9. Libia – 5,1 miliardo tuni
  10. Nijeria – 4,8 miliardo tuni
  11. Usa – 3,6 miliardo tuni
  12. Kanada – 2,4 miliardo tuni