Republiko di Novgorod

De Wikipedio
Irez ad: pilotado, serchez
Republiko di Novgorod cirkum 1400.

Republiko di Novgorod (Rusiane: Новгоро́дская респу́блика, tr. Novgorodskaja respublika; IPA: [nəvgɐˈrotskəjə rʲɪsˈpublʲɪkə]; olda eklezio Slavonia: Новгородскаѧ земьлѧ / Novgorodskaja zemľa) esis larja mezepoka Rusiana stato qua extensas de Baltika a Urali inter 12ma e 15ma yarcenti, centrigita ad l'urbo di Novgorod. Civitani referanta lua urbostato kam "lua majesto (o suvereno) sinioro Novgorod la Granda (Gosudař Gospodin Velikij Novgorod). La republiko prosperis kam la maxim estala portuo di Hanseatik federuro.

Ye 5 di aprilo 1242, armeo di Alexander Nevski, princo di Novgorod, vinkis armeo di la Ordeno di Germana Kavalieri ye Lago Peipus, ye la nuntempa frontiero inter Rusia ed Estonia. La batalio nomizesis la Batalio di la Glacio, pro ke ol eventis sur la frostigita lago. La kavalieri egardis la batalio kom parto di nordala kruco-milito, kontre pagani ed estala ortodoxa Kristani. Alexander Nevski, qua esis exilita, esis retro-vokata da la civitani di Novgorod kande la kavalieri proximeskis. La batalio esis longa, e la kavalieri esis jenata pro la glitiganta glacio; fine, multa kavalieri, restriktita adsur bordo di la lago, falis tra dina glacio e dronesis. Pro ca vinkeso, la Ordeno di Germana Kavalieri ne pluse kampaniis kontre Novgorod ed altra Rusa teritorii.