Richard 3ma di Anglia

De Wikipedio
Irez ad: pilotado, serchez
Richard 3ma di Anglia
King Richard III.jpg

Rejulo di Flag of England.svg Anglia
Periodo di guvernerio: de 26 di junio 1483 til 22 di agosto 1485
Precedanto: Edward 5ma di Anglia
Sucedanto: Henry 7ma di Anglia

Personal informi
Nasko-dio: 2 di oktobro 1452
Nasko-loko: Kastelo di Fotheringay, Northamptonshire, Anglia
Morto-dio: 22 di agosto 1485, ye batalio
Morto-loko: Bosworth Field, Leicestershire, Anglia
Spozo: Anne Neville

Richard 3ma esis duko di Gloucester de 1461, e de 1483, rejo di Anglia.

Il esis yuna fratulo di Edward 4ma di Anglia. Edward donis ad il la titulo Duko di Gloucester dum la periodo di la Militi di la Rozi, inter du branchi (decendanti di rejo Edward 3ma di Anglia) di la rejala familio.

Il esis mariajata ad Anne, filiino di Richard Neville komto di Warwick.

Ye la morto di Edward 4ma, il esis protektanto di sua nevulo Edward 5ma di Anglia; balde pose, Richard divenis rejo pro la supozajo ke la filiuli di Edward 4ma, yuna Edward e fratulo, esis ne-legitima. Kande la du pueri esis ocidata ye neklara cirkonstanci, la publika estimo di Richard esis detrimentata. Henry Tudor (plu tarde rejo Henry 7ma di Anglia) duktis rebeleso, ed esis vinkoza ye la batalio di Bosworth.

Deskovro di la skeleto di Richard[redaktar | edit source]

Ye 12 di septembro 2012, arkeologi qui dum plura dii exploris loko en Leicester ube existabis kirko demolisita dum la 16ma yarcento, anuncis ke li deskovris skeleto qua forsan esas la restaji di rejo Richard 3ma. Plura detali di la skeleto - partikulara formaco di la spino, e vunduri qui forsan relatus morto ye batalio - sugestis lo. Ye 4 di februaro 2013, la Universitato di Leicester anuncis ke, pro DNA-identeso ed altra evidentajo, ol sendubite esas la skeleto di Richard 3ma.

Mapo montranta la enterigo-loko di Richard, en la olima monakeyo