Saimaa-kanalo

De Wikipedio
Irez ad: pilotado, serchez
Saimaa-kanalo.
Avane di sluzo di Mälkiä. Dextre la anciena linio di la kanalo.

Saimaa-kanalo konektas la granda Saimaa-lago en Finlando e Vyborg (en la Finlandana: Viipuri) en Rusia an la Bayo di Finlando. La Kanalo inauguresis en nuna formo ye la 5 di agosto 1968.

La maximala mezuri por la navi, qui povas voyajar longe la kanalo esas:

  • longeso 78 m
  • profundeso 4,2 m
  • alteso (di la masto) 24,5 m

La maximala rapideso en la kanalo esas 9 km/h e sur la lagi 12 km/h.

La strukturo di la kanalo[redaktar | edit source]

La altitudo-difero inter Saimaa e la Finlandala Bayo esas 76 metri. La longeso di la kanalo esas 57.273 metri, e la kanalo kontenas ok sluzi.

La kanalo de Saimaa til Vyborg
Sluzo diminuto
dil altitudo
altitudo longeso til
nexta sluzo
Mälkiä 14 m 62 m 2 km
Mustola 8 m 54 m 6 km
Soskua 8 m 46 m 20 km
Pälli 11 m 35 m 2 km
Ilistoye 9 m 26 m 3 km
Svetotshnoye 6 m 20 m 8 km
Iskrovka 12 m 8 m 4 km
Brusnitshnoye 8 m - 11 km

(Anciena pre-militala nomi di la sluzi en la Finlandana:
Ilistoye = Lietjärvi; Svetotshnoye = Rättijärvi;
Iskrovka = Särkijärvi; Brusnitshnoye = Juustila.)

La historio di la kanalo[redaktar | edit source]

La neceseso di la kanalo por la komerco di esta Finlando esis konocata multa yarcenti ante l'existo di la kanalo. Unesmafoye minesis ula kanelo mem ye la 16ma yarcento. Tatempe minesis 120 m til la unesma roko. Nexta entrapreso esis ye 16071609 segun la impero da rejo Karl 9ma. Quankam la anciena tekniko ne esis apta por tala defianta laboro.

Rusia e Suedia militis ye la 18ma yarcento (de 1700 til 1721 la Granda Nordala Milito e ye 1741), e Rusia anexis la nuna sud-esta Finlando. Ye 1809 Rusia anexis tota Finlando, e la areo di St. Peterburg divenis pokope plu e plu importanta por la komerco di est-Finlando. Ye 1826 delegiti de Kuopio e Nilsiä renkontris la caro Nikolai 1ma, e li apelis, ke la caro imperabus igar projeto por la konstrukto di la kanalo. La konstrukto komencis ye 1845.

Saimaa-kanalo inauguresis ye 1865. L'unesma kanalo esis plu komplexa e havis 28 stona sluzi. La kanalo plugrandesis de 1895 til 1896, de 1897 til 1903 e de 1911 til 1939, kande Vintro-milito interruptis la laboro. Pos duesma mondomilito la frontiero iris tra la Saimaa-kanalo inter la sluzi di Soskua e Pälli. La kanalo esis klozita.

La negocio pri la aperto di la kanalo komencis ye 1958 segun la propoziciono da prezidisto di Finlando Urho Kekkonen. La internaciona kolda milito influis a la negocio, ma fine, ye 27 di septembro 1962 nova traktato pri la kanalo subskribesis. Komencis laboro pro plunovigar la kanalo, ed ol inauguresis ye 5 di agosto 1968.