Santa Vincent e Grenadini

De Wikipedio
Irez ad: pilotado, serchez
Saint Vincent and the Grenadines
Flag of Saint Vincent and the Grenadines.svg Coat of arms of Saint Vincent and the Grenadines.svg
Flago di Santa Vincent e Grenadini Blazono di Santa Vincent e Grenadini
Mapo di Santa Vincent e Grenadini
Chefurbo: Kingstown
·Habitanti: 15.900 (1999)
Precipua urbo: Kingstown
Oficala linguo: Angliana
Guvernerio: Monarkio
·Rejino: Elizabeth 2ma
·Chefministro: Ralph Gonsalves
Surfaco: (198ma granda)
·Totala: 389 km²
·% aquo: neglijebla
Habitanti: (182ma granda)
·Totala: 120.000 (2008)
·Lojanto-denseso: 307 hab./km²
Nacionala himno: St Vincent Land So Beautiful
Pekunio: Est-Karibeana dolaro
Reto-kodo: .vc
Precipua religio: kristanismo, 89,1%

Santa Vincent e Grenadini (en Angliana, Saint Vincent and the Grenadines) esas arkipelago e stato en Karibeano.

Bazala fakti pri Santa Vincent e Grenadini

Historio[redaktar | edit source]

Exquisite-kfind.png Videz anke: Historio di Santa Vincent e Grenadini.

Santa Vincent probable nomesis da Cristoforo Colombo qua supozeble deskovris ol en 22ma januaro (Dio di Santa Vincent) 1498 e nomizis ol pro la santo. Karib-indijeni impedis Europana koloniigo til la 18ma yarcento. Dum ta tempo, nigra sklavi, qui sive naufrajis en l'insulo sive fugis de Barbados od altra kolonii e serchis refujeyo en Santa Vincent, mixuris su kun Karib-indijeni e formacis mestici konocata kom Garifuna populo, o "nigra Karibi".

Francia okupis la teritorio de 1719 til 1763 e komencis kultivar kafeo, indigo, tabako e sukrokano en granda plantacerii, kun la labor-povo di Afrikana sklavi. En 1763 Francia cedis la dominaco dil insulo ad Unionita Rejio. Tamen, Francia ri-invadis l'insulo en 1779 pos desembarkar proxim Fort Duvernette. Unionita Rejio finale riganis la teritorio definite en 1783, kun Versailles-kontrato.

De 1783 til 1796 okuris konflikti inter Britaniani e Garifuna, lasta komandita da Joseph Chatoyer. La revolto finale represesis en 1796, e Britaniani deportis preske 5.000 Garifuna a l'insulo di Roatán, proxim Honduras.

Kingston, Santa Vincent, dum la 1890a yari.

En 1834 sklaveso abolisesis en Santa Vincent. En fino di la 1840a yari Portugalani de Madeira komencis enmigrar vers l'insulo, e de 1861 til 1888 personi de Est-Indii komencis arivar. Laborala standi esis severa amba por ex-sklavi e por enmigranti, pro la basa preci di sukro en extera merkati til la komenco di 20ma yarcento.

Universala votado adoptesis en la kolonio en 1951. Lando divenis nedependanta de Unionita Rejio en 27 di oktobro 1979.

Politiko[redaktar | edit source]

Santa Vincent e Grenadini esas konstitucala monarkio. Elizabeth 2ma di Unionita Rejio esas reprezentata da Frederick Ballantyne, general-guberniestro. La chefo di guvernerio esas la chefministro, qua elektesas da la general-guberniestro.

La legifala povo kompozesas da la Domo dil Asemblajo, qua havas 21 membri, di qui 15 esas deputati qui elektesas dal populo por 5-yara periodo, e 6 esas indikita senatani.

Geografio[redaktar | edit source]

Santa Vincent e Grenadini jacas inter St Lucia en nordo, e Grenada en sudo. La maxim granda insulo di arkipelago esas Santa Vincent, kun 344 km².

Ekonomio[redaktar | edit source]

Exquisite-kfind.png Videz anke: Ekonomio di St Vincent e Grenadini.

Demografio[redaktar | edit source]

La maxim granda urbo esas la chef-urbo, Kingstown.

Kulturo[redaktar | edit source]

Referi[redaktar | edit source]


Stati e teritorii en Karibeano
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin-Insuli Britana | Guadelupa | Kaiman-Insuli | Kuracao | Martinik | Montserrat | Navassa | Porto-Riko | Sant Maarten | Turks e Kaikos-Insuli | Virgin-Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius