Semaforo

De Wikipedio
Irez ad: pilotado, serchez
Wikipedio
Wikivortaro explikas
ca rubriko
en altra lingui: Semaforo

Semaforo esas aparato, exemple, instalita vicine ye portuo, por signalar l'adveno e l'arivo di la navi, lia manovri vide de la litoro di portuo, e per korespondar kun li.

Ye 2 di marto 1791 transmisesis per semaforo-sistemo la unesma mesajo. Ol eventis en Francia inter Brulon e Parce, 16 km distanta, da Claude Chappe e lua fratuli. Ili establisis ke la maxim klare videbla signalo esas per stangi, montrata ye varianta anguli. Ili facis plusa experimenti pri la nova sistemo. La finala desegno esis du brakii konektita per transversa brakio. La stacioni esis distanta per 12–25 km; singla staciono havis teleskopo por singla sinso.

En 1792 Claude Chappe divenis oficala Ingénieur-Télégraphiste. Il establisis lineo di semaforo-stacioni inter Paris e Lille, 230 km distanta, e plusa linei esis pose establisata. Ca sistemo di telegrafo per semaforo duris en Francia til 1852, pose remplasata da elektrala telegrafo.