Metroo di Seoul

De Wikipedio
(Ridirektita de Seoul Metropolitan Subway)
Staciono Pangyo.
Un ek la treni de la lineo 2 (cirklatra lineo) de la metroo di Seoul.

La Metroo di Seoul esas metropolala fervoyala sistemo qua konsistas ek 20 linei di rapida transito, lejera fervoyo, laboristo-fervoyo e pasajero-transporto situita en nordwestala Sud-Korea.

La sistemo servas granda parto dil Metropolala Areo di Seoul inkluzanta la Incheon-metropolo e satelito-urbi en Gyeonggi-provinco.

Ula regionala linei en la reto extensesas a rural arei en nordala provinco Chungnam e la westala provinco Gangwon qui distas plu kam 100 km del chefurbo.


Mapo dil fervoyo-linei

La reto konsistas ek linei numerizita de 1 til 9, qui servas centrala Seoul e la cirkumajo, e la nomizita regionala linei, qui servas la granda metropolala regiono. La sistemo grandaparte jeresas da quar kompanii - Seoul MetroSeoul Metropolitan Rapid Transit (SMRT), Korail (Koreana Nacionala Fervoyo) e Metro 9.

L'unesma lineo, Lineo 1, komencis konstruktesar en 1971 ed apertesis en 1974, kun tra-funciono a Korail-preurbana fervoyi.

Omna direcionala signalili en la sistemo skribesas en la Koreana, l'Angla ed en Hanja (Chiniana ideogrami uzata por skribar la Koreana). En omna treni existas skreni LCD qui montras anunci, la nomi di la sequanta stacioni, preco di acioni che la borso e cinematografureti. Ank existas voci preenrejistrita qui anuncas la nomi di la sequanta stacioni ambe en Koreana ed en l'Angla. Por la precipua stacioni, lia nomi ank anuncesas en la Japoniana ed en la Chiniana.

Nun, la metroo di Seoul esas un ek la maxim granda e maxim eficienta subtera ferovoyi en la mondo, kun 331,5 km di reli che linei 1 til 9 nur; senfila ed interreto-servo che omna treni; e platformo-pordi che la majoritato dil stacioni.