Socialista Sovieta Republiko di Moldova
| Socialista Sovieta Republiko di Moldova | ||
|---|---|---|
| Република Советикэ Сочиалистэ Молдовеняскэ Republica Sovietică Socialistă Moldovenească |
||
| Молдавская Советская Социалистическая Республика | ||
 |
 |
|
 |
||
| Oficala lingui | Rusiana , Moldovana | |
| Surfaco | 33.843 km² | |
| Chefurbo | Chisinau | |
| Lojanti | 4.337.600 (1989) | |
| Lojanto-denseso | 128,2/km² | |
| Horala zono | +3 | |
La Socialista Sovieta Republiko di Moldova (Moldovana, Република Советикэ Сочиалистэ Молдовеняскэ o Republica Sovietică Socialistă Moldovenească, anke konocata kom Moldovana SSR, esis un di la republiki di Soviet-Uniono. Ol esis formita da parti de Besarabia (ante 1940, teritorio di Rumania) e lastis til 1991 kande Moldova ganis nedependeso de Soviet-Uniono.
Origino [redaktar]
Ye 24 di agosto 1939 Soviet-Uniono e Nazista Germania signatis Ribbentrop-Molotov pakto, qua establisis un pakto di no-atako por 10 yari, ed establisis en sekreta klauzo la divido di nordala ed estala Europa en zoni di influi[1]. La pakto pozis Besarabia sub Sovietana influo[1].
Ye 26 di junio 1940, du dii pos Francia solicitis armistico kun Germania, Soviet-Uniono emisis ultimato a Romania en qua demandis la cedo di Besarabia e Bukovina[2]. Kande Sovietani konkordis en limitar lua postulo pri Bukovina nur a nordo di la regiono, Germania exhortis Rumania ad aceptar l'ultimato. Rumania aceptis du dii pose[3]. La Socialista Sovieta Republiko di Moldova esis kreita konseque pos l'eniro di Sovietana trupi, ye 28 di junio 1940.
Nedependeso [redaktar]
Ye 31 di agosto 1989 la Suprema Sovieto di Moldova adoptis la Moldovana linguo kom oficala, e ri-introduktis latinal alfabeto, uzita ante Stalinista periodo. Ye 1990 kande divenis videbla ke Moldova ganus nedependeso, un grupo di Rusa aktivisti en Gagauzia e Transdnistria deklaris la nedependeso di ca du regioni.
Ye 23 di mayo 1991 Moldovana parlamento chanjis la nomo dil republiko a "Republiko di Moldova" ed, ye 27 di agosto sam yaro, lando deklaris nedependeso.
Referi [redaktar]
- ↑ 1.0 1.1 Texto di Ribbentrop-Molotov pakto, agosto 1939
- ↑ Stalin's Wars: From World War to Cold War, 1939–1953, Roberts, Geoffrey, 2006, Yale University Press
- ↑ Nekrich, Aleksandr Moiseevich; Adam Bruno Ulam & Gregory L. Freeze (1997), Pariahs, Partners, Predators: German-Soviet Relations, 1922-1941, Columbia University Press, ISBN 0-231-10676-9
