Stanley Mulaik

De Wikipedio
Irez ad: pilotado, serchez
Stanley Allen Mulaik
Ne havas libera imajo.jpg
Profesiono: linguisto
Lando: Flag of the United States.svg Usa
Nasko-dio: 9 di aprilo 1935
Nasko-loko: Edinburg, Texas

Stanley A. Mulaik (n. 9 di aprilo 1935) esas linguisto Usana.

Mesajo en interlingua sendita a grupo di informo elektronika en interreto pozis nova forco a l'anciena interlinguisto en Ph.D. Stanley Allen Mulaik.

Kjell Rehnström, ja konsilero di Sueda Societo por Interlingua, skribas en la forumo elektronika sci.lang en interlingua. Stan Mulaik tale deskovris ke interlingua esas en plena vivo, mem se ilu ne uzabis lo dum preske 25 yari.

Stan Mulaik naskis en Edinburg, Texas, ma habitis en Salt Lake City de evo 5 til 27. Dum la lasta 30 yari, ilu esas rezidenta en Atlanta, Georgia. De hemo en Marietta, 32 km nordo-westo di Atlanta, ilu omnadie sendas anlinea lua precoza raporti di lua vivo omnidiala. Ilu anke esas granda komentisto en plura forumi elektronika, ube ilu explotas omna okaziono por skribar pri – e precipue en – interlingua. Nam demonstrar la linguo esas plu konvinkanta kam parolar pri ol.

Ye 2000 ilu pensionesis de la profesoreso a Georgia Institute of Technology en Atlanta, ube ilu docis statistiko e teorio di personeso.

Stan Mulaik deskovris interlingua en 1953 per lektar Science News Letter, ube doktoro Alexander Gode tradukis rezumi di omna artikli en interlingua. Ilu aquiras Interlingua-English Dictionary ed Interlingua Grammar e lernis interlingua. En la revuo literaturala di Universitato di Utah, ube ilu esis studento, ilu skribis kurta artiklo pri interlingua. L'artiklo senditesis a Alexander Gode, qua lo apreciis e postulis la permiso di riproduktar e cirkular lo a interlingua-uzeri. Ico esis la komenco di korespondo kontinua kun ilu dum la yari sequanta. Ye 1961, kom praktikanto por diplomo di psikologo klinikala, Stan Mulaik vizitis Nova-York, ed Alexander Gode esis jeneroza en permisar lu di restar en lua hemo en Croton-on-Hudson, til ilu obtenis loko. Dum la sis monati, qua Mulaik esis en Nova-York, ilu vizitis omna semano Alexander Gode en lua ofico a 80 East 11th Street. Plu tarde, Stan Mulaik komencis editar la mikra revuo, Le Foro ("La Forumo"), konsakrita a temi pri interlingua. Interesi profesionala e lua familio la duktis extere di interlingua, e pos 1975 ilu havis poka konekto kun interlingua. Til venis la mesajo di Kjell Rehnström... Stan Mulaik nun esas tre agema por interlingua e partoprenis anke en la laboro di establisar nova organizeso Nord-Amerikana por interlingua. Ilu esas cadie la prezidisto di Societo Usana por Interlingua e labora kun vortaro elektronika Hispana-Interlingua-Hispana kun la helpo per interreto di kunlaboreri de mondumo.

Dum 8 yari ilu esis la redaktisto di revuo profesionala, Multivariate Behavioral Research, qua esas importanta revuo pri statistiko en psikologio.

Extera ligili[redaktar | edit source]