Sua Majesto di mushi

De Wikipedio
Irez ad: pilotado, serchez

Sua Majesto di mushi esas alegoriala romano da William Golding editita ye 1954.

Ol diskutas quale kulturo kreita da homaro falias, uzita kom exemplo grupo di Britania lernanti koniagita en dezerta insulo qua esforcas guvernar li kun funesta rezultaji.

Dum duesma mondomilito aeroplano transportanta nur pueruli de alta socio, sendita da lua parenti ad Australia, aplastas sur dezerta insulo. Livrita ipsa (omna adulti mortas) en savaja e paradizala naturo, la multa transvivanta pueri probas institucar da iterar la sociala skemi ke havas inkulkita a li. Ma quik la verniso krakas, la fragila socio spliteskas e lasas poke a poke la loko a tribala organizeso, savaja e violenta, konstruktita cirkum karismatika chefo e rudimenta religio. Hom-sakrifiko, homala chasado, sangoza militi : la civilizeso desaparas per profito di riveno ad stando proxim di animalo ke la pueri maxim fragila o plu racionoza pagas kun lua vivo.