Surveyor 6

De Wikipedio
Irez ad: pilotado, serchez
Sulo di la luno vidita de Surveyor 6; la traco di pedo di la kosmosondilo, pos ke ol kelke movis su, esis videbla.

Surveyor 6 esis kosmosondilo di Usa, qua atingis la surfaco di la luno.

La skopo di la Surveyor-projeto esis demonstrar la praktikebleso di dolce atingar la surfaco di la luno; esis sep kosmosondili en la serii, qui lansesis de 1966 til 1968, di qui kin esis sucesoza. Surveyor 6 lansesis ye 7 novembro 1967; pos arivo ye 9 novembro, ol transmisis preske 30000 imaji ante la lunala nokto qua komencis ye 24 novembro. Ol esis la unesma sondilo qua lansesis de la lunala surfaco: ye 17 novembro ol levis su til alteso 3 metri, e ri-atingis la surfaco ye 2,5 metri de la originala loko. Ol pose fotografis olua antea pedotraci por trovar mekanikala propraji di la sulo; ol prenis plusa fotografuri per qui, kun fotografuri ante la movo, stereoskopiala imaji esis obtenata.