Tartu
Tartu
|
|||||||||||||||||||||||||||||||||||||||
Tartu esas la duesma maxim granda urbo en Estonia e la centro di sudala parto di la lando. Konsiderata kom kulturala centro di Estonia, Tartu havas amba maxim anciena teatro, "Vanemuine", e maxim anciena unviersiteto (de 1632). Pos lua fondeso ye 1030, la urbo nomesabis Tarbatu, Dorpat, Dorpt, Derpt, Jurjev.
Geografiala centro di urbo situesas en placo Raekoja e havas la koordinati 58°22'49" N 26°43'21" E
La maxim aquoza rivero Estoniana, Suur-Emajõgi, dividas l'urbo aden du parti.
La numero di lojanti en Tartu esas stabila dum recenta 40 yari ed esas cirkume 100,000. En 1977 unesmafoye ica numero di lojanti esis atingita, ed ica fakto memorigis kun monumento qua situesas sur la litoro di Suur-Emajõgi.
Nuntempala urbestro esas Urmas Kruuse. Bone konocata esas ex-urbestro di Tartu nomesita Andrus Ansip, qui divenis chefministro di lando en 2004.
Nesimile a Tallinn, Tartu ne dividesas aden distrikti.
